نشر الفنان المصري تامر حسني عبر حسابه الخاص في فيسبوك مجموعة صور من كواليس فيلمه الجديد الذي من المقرر ان يحمل اسم "بحبك" ويجمعه بالفنانة المصرية هنا الزاهد
تامر حسني وهنا الزاهد في فيلم بحبك
وكشف الفنان المصري من خلال تعليقه على البوست عن سبب اختيار هذا الاسم للفيلم الجديد وعلق قائلًا: "مساء الهنا على اغلى ناس على قلبي انا.. دي صور من اول يومين تصوير لفيلمنا الجديد ( بحبك ) طبعاً في ناس هتقرا اسم الفيلم بحبِك وناس هتقراه بحبَك دا طبعاً مقصود"
وأضاف: "عشان في دراما الفيلم هنبحث طول الوقت عن مدى صدق كلمة بحبِك من الرجل للأنثى وبحبَك من الأنثى للرجل في احداث فعلاً محيره جداً .. الفيلم اكيد فيه ضحك بس في إطار رومانسي بحت مش موجود بقاله كتير"
وأردف: "اتشرفت بمشاركة نجمة اليوم والمستقبل الجميله هنا الزاهد ومبسوط اني اول من اكتشفها في بداية حياتها وفي الفيلم دا بكتشفها تاني وبقدمها بشكل جديد عليها وعليكم ومبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل ان شاء الله شغل رهيب في الفيلم كعادته الجميله"
واستطرد: "وللأسف لسه مصورش علشان انزل صوره بس في اول يوم تصوير له ههريه صور وانتظروا بعد ايام انضمام نجمه جميله مميزه من نجوم المستقبل اللي هيكون ليها مستقبل كبير ان شاء الله ، و فرحان جداً بإنضمام الفنان الموهوب اوي مدحت إسماعيل اللي عامل دور زي العسل وربنا يكتبله فيه كل النجاح و يكرمه يكرمنا معاه / الفيلم من انتاج حبايب قلبي و اصدقاء العمر… سينرچي احمد بدوي / تي ايتش برودكشن حسام حسني / سكاي ليميت أحمد الدسوقي"
يُشار إلى أن هذه الصور تاتي بعد شائعات انتشرت بشكل كبير مؤخرًا عن دخول الفنان المصري في غيبوبة بعد تعرضه للضرب المبرح من قبل مجموعة من الأشخاص، وهو ما تم نفيه لاحقًا
أما آخر أعمال الفنان المصري فكان فيلم مش انا الذي جمعه بالفنانة المصرية المعتزلة حلا شيحة، وتسبب هذا الفيلم ببعض الهجوم والاتهامات المتبادلة بين الفنانة المصرية وفريق عمل الفيلم
