أثارت الفنانة المصرية المعتزلة عبير الشرقاوي حالة من الجدل بعد مهاجمتها صناع عمل مسلسل "بطلوع الروح" الذي يتحدث عن تنظيم داعش بسبب مشهد عن تناول أحد اعضاء التنظيم الخمر قبل قيامه بعملية
عبير الشرقاوي تهاجم مسلسل بطلوع الروح
وكتبت الفنانة المعتزلة عبر صفحتها الخاصة في فيسبوك عن هذا المشهد قائلة: "أسرة مسلسل الهبل بطلوع الروح التناول غبى مش معقولة نطلع الناس بتوع داعش خاينين و بيرتشوا و بيشربوا خمرة دول ناس بيعتبروا نفسهم مجاهدين فى سبيل الله و مستعدين للموت فى أى لحظة إحنا عارفين إنهم على باطل آه بس هما مش عارفين"
وأضافت: "هما بيعتبروا نفسهم المسلم الحق و أى حد جانبهم مسلم ناقص فمش معقولة نطلعهم بيشربوا خمرة إيه الهبل ده, بقى معقولة البطل إللى بيعتبر نفسه مجاهد عنده غزوة تانى يوم و ممكن يتقتل وهو عارف كده يروح يجيب خمرة و يشرب هو ومراته. إرحمونا يا هبل خسارة الفلوس والله
وبعد الهجوم الكبير عليها واتهامها بدعم تنظيم داعش والدفاع عنه خرجت الفنانة المصرية لتوضيح منشورها وقالت: "للى مفهمش كلامى أو مش عايز يفهمه علشان يرقص شوية فى التريند. داعش فئة ضالة مضلله ولكن أغلبهم لا يعتقدون ذلك فى أنفسهم بل يعتقدون أنهم مسلمون حق"
وأردفت: " وعندما يقتلون يظنون أنهم يقتلون فى سبيل الله و إن ثوابهم على هدا القتل هو الجنة و هنا تكمن المشكلة لأن عندهم إعتقاد إن إللى بيعملوه ده دين الحق و عشان كده هما خطرين جدآ جدآ على أى مجتمع يعيشون فيه
ومسلسل بطلوع الروح من بطولة منة شلبي، الهام شاهين، احمد السعدني والفنان محمد حاتم
