نورا العزونني
أثار مخرج مصري يدعى مؤمن نور ضجة كبيرة وحالة من الجدل بعد إعلانه عبر حسابه الخاص في فيسبوك عن خبر صادم يتعلق بالشابة نيرة أشرف التي توفيت بعد قيام زميلها الشاب بقتلها ونحرها في الشارع العام وأمام المارة في جريمة هزت الشارع المصري
مخرج مصري يكشف عن مشاركة نيرة أشرف في فيلم سينمائي قبل وفاتها
وقال المخرج مؤمن نور عبر منشوره في فيسبوك حول هذا الأمر كاشفًا أن نيرة أشرف التقت بالفنانة عايدة رياض من أجل عمل فني: "الله يرحمها نيرة كانت هتبقي نجمة كبيرة وليها مستقبل وهحكيلكم كواليس.. كانت داخلة معايا عمل فني وهتطلع بنت عايدة رياض وخدتها وروحنا لها لقيت مدام عايدة بتقولي يخرب بيتك أنت جايب واحدة نسخه مني"
وأضاف المخرج مؤمن: "فعلا نسخة منها وهي صغيرة والكلام اللي بقوله ده تقدروا ترجعوا للأستاذة عايدة وتعرفوا منها إن البنت كانت فرحانه وعاملة زي الطفلة ومتحمسة جدا أنها هتعمل حاجه تضيف لها وأنا وعدتها إني هخليها أهم حد على السوشيال وهديها دفعة كبيرة للأمام وهخلي قنوات وجرايد تتكلم عنها وتعمل معاها لقاءات"
وأردف في منشوره: "وقولت لها إنسي الجانب السيء في حياتك وما تركزيش مع حد أنتي هتبقي في حتة تانية خالص وهي كانت جميلة جدا وعندها كاريزما وقبول رهيب لكن للأسف الكلب ده كان دايما يبعت لها من أكونتات فيك وكانت بتوريني وكلمته مرة فون وهددته ومن ساعتها وهو يتلاشى عشان عرف إني غبي"
وختم منشوره: "طبعا أنا بحكي الكلام ده لأني بقالي ٤ أيام مش قادر أخد قرار إني أبدأ العمل ولا لا وحاسس إن في حد ماسكني من رقبتي وخانقني ومش طايق أبص في ورق وخدت القرار بأني أغير كل حاجة حتى النجوم عشان كده ذكرت لكم القصة دي لأني مش هقدر أجيب واحدة تعوض مكان نيرة والشغف اللي عندي راح وقلبي اتكسر والله وتعبت وكل دقيقة بفتكرها ومش قادر تعبان جدا".
عايدة رياض ترد على أنباء مشاركة نيرة أشرف في فيلم سينمائي
وكان الصادم في الأمر أن الفنانة المصرية عايدة رياض نفت هذه الأنباء، وأكدت الفنانة المصرية أن هذه الأخبار عارية الصحة وأنها لم تلتقي الشابة نيرة أشرف في حياتها
وكشفت رياض أنها مستاءة من هذه الأخبار ومن زج اسمها في مثل هذه القضايا قبل التحدث عنها ونشرها للجمهور
